المساعد الشخصي الرقمي

مشاهدة النسخة كاملة : القواعد الأمريكية فى مصر

الصفحات : [1] 2 3 4
SALAHELDEN7007
12-05-2006, 10:53 PM
هل توجد اى قواعد امريكية او قوات فى مصر؟
flash_moh
13-05-2006, 12:38 AM
بالتاكيد وطبعا لالالالالالالالالالالالالالا
condor_m2010
13-05-2006, 12:47 AM
طبعا استحاله القياده المصريه هاتسمح بوجود قواعد امريكيه فى مصر لان الموضوع ده هايسبب لمصر مشاكل كبيره سواء داخليه لرفض شعب مصر الفكره ديه من الأساس ومشاكل خارجيه مع دول الجوار زى المملكه العربيه السعوديه وفلسطين وسوريا الشقيقه وغيرهم من الدول العربيه اللى هايتهموا مصر قيادتها وشعبها بالخيانه العظمى للعروبه وده علشان سبب بسيط جدا وهو ان مصر دلوقتى بتحتل مكانه قياديه كبيره جدا بين كل الدول العربيه بلا استثناء واللى يخليها قدوه لغيرها من الدول العربيه
وشكرا على طرحك الموضوع الممتاز ده:right:
النجم الساطع
13-05-2006, 12:55 AM
انا خلاص هتشل
يعني الاقي ناس بتقول مفيش قوات مصريه في سينا نقول ميعرفوش يقولوا ان مصر والجزائر اسلحتهم قديمه وبايظه والجزائر بتعمل خرده نقول مشوشين اما توصل لالوجود قواعد امريكيه في مصر اه يابلد
طب انا خلاص هتشل فعلا
كلاشنكوف
13-05-2006, 01:05 AM
المعلن انة مفيش قواعد امريكية ..... لكن ما خفى كان أعظم
SPACE MAN
13-05-2006, 02:41 AM
عندك حق والله . بس طبعا مفيش قواعد امريكية فى مصر
hawk of hell
13-05-2006, 03:23 AM
ياجماعة مفيش قواعد امريكية فى مصر بس هوة فى مناورات بازخيرة الحية مشتركة بين الجيش المصرى والامريكى ودى مناورات معروفة دوليا طبقا للقوات المصنفة دوليا ومنها مصر اقوى 5 جيش فى العالم واظن ان انتوا عارفين عمليات النجم الساطع وغيرها ودة بس لقياس كفائة القوات ونا كنت عاوز اعرف هل تركيا تستخدم اليوروف فيتر؟
ahmed raptooor®
13-05-2006, 04:30 AM
بكل تأكيد لا والف لا لاتوووووووووووووووجد قواعد عسكرية امريكية فى مصر ولكن بيتم استضافة القوات الامريكية واقامة قواعد لهم فى حالة البينات التدريبية فقط
وطلب انشاء قاعدة امريكية فى مصر دة اترفض من سنة تقريبا
وبذلك تعتبر مصر الدولة الوحيدة هيا والجزائر تقريبا اللى بيرفضوا تواجد عسكرى امريكى على اراضيهم

http://mishuna.image.pbase.com/u39/kevbelcher/upload/25254110.Scan10017copy.jpg
http://k43.pbase.com/u38/kevbelcher/large/25254172.Scan10048.jpg
http://mishami.image.pbase.com/u39/kevbelcher/large/25254174.Scan10050.jpg
http://k41.pbase.com/u39/kevbelcher/upload/25254176.Scan10052.JPG
http://mishami.image.pbase.com/u38/kevbelcher/large/25254134.Scan10021.jpg
جنكيز خان
13-05-2006, 05:48 AM
فيه قاعدة امريكيه في تركيا قريبه من البحر المتوسط وهيه كفيه من ناحية الأمان والتوتر وبتكفي عن مصر 100%
وبعدين لو وجدة مالخليج مليان قواعد والمواجهه هناك وليست قريبه من مصر يعني القريب من مصر السعوديه الأردن السودان ليبيا فالدول دية مفيش اي نوايا ضدها في الوقت الحالي ولو وجد فمصر مش حتكليهم يستمرو ولا ينشؤ من اصله فكما زكرتلك مصر ليست على مقربه من الدول التي لها اطماع فيها بغض النظر عن مشكلة دارفور فدول كتير في افريقيا محاذيه للسودان تقدم خدمات لأمريكا على طبق من ذهب وبعيده كل البعد عن العرب ومخاوف امريكا منهم .
elbasha_99
13-05-2006, 09:24 AM
طبعا استحاله القياده المصريه هاتسمح بوجود قواعد امريكيه فى مصر لان الموضوع ده هايسبب لمصر مشاكل كبيره سواء داخليه لرفض شعب مصر الفكره ديه من الأساس ومشاكل خارجيه مع دول الجوار زى المملكه العربيه السعوديه وفلسطين وسوريا الشقيقه وغيرهم من الدول العربيه اللى هايتهموا مصر قيادتها وشعبها بالخيانه العظمى للعروبه وده علشان سبب بسيط جدا وهو ان مصر دلوقتى بتحتل مكانه قياديه كبيره جدا بين كل الدول العربيه بلا استثناء واللى يخليها قدوه لغيرها من الدول العربيه
وشكرا على طرحك الموضوع الممتاز ده:right:
السلام عليكم ورحمة الله وبركاته اولا بخصوص موضوع القواعد الامريكيه فى مصر انا بعتقد لا بس انا عندى خبر مؤكد من مراكز تدريب فى القوات الجويه ان فى مدربين امريكين بيدربوا الطيارين المصريين تانى حاجه بالنسبه للخيانه العظمى فاحنا عندنا خيانه عظمى من اول اتفاقية الاستسلام والعرب كلهم على المستوى الشعبى بيتهمونا بالخيانه كشعب وكنظام فاشل وانا اتعاملت مع عرب وانا بأكد الكلام ده
mady_egypt_1984
13-05-2006, 09:25 AM
مفيش قواعد امريكيه فى مصر
محمدعادل
13-05-2006, 12:25 PM
المعلن انة مفيش قواعد امريكية ..... لكن ما خفى كان أعظم كلاشنكوف من فضلك اذا عندك اى دليل يبقى تقولة ما عندكش يبقى من فضلك ما تفتيش عشان هى اصلها مش ناقصة فتى على الفاضى قواعد اية لية احنا هنحط قواعد فى مصر لامريكا عشان اية اصلا وبعدين الاخ الى بيتكلم على اتفاقية الاستسلام هو احنا لازم نحارب وناخد على دماغنا لحد ما ننتهى عشان نبقا شرفاء احنا ما كناش هنلاحق على السلاح والامدادات الامريكية وامدادات الدول الغربية لاسرائيل كل دول وعمر العرب ما كانو وقتها هينفعونا وبعدين دة الرسول قال افشو السلام بينكم دة الرسول نفسة كان بعد ما ينتصر على اليهود كان بيروح يعمل معاهم معاهدات وبعدين هى الحروب دى مين بيروح فيها ماهو اخواتنا وابائنا واهالينا يبقى لية بقا ما نتصرفش بالعقل بطلو كلام محبط لو سمحتو
الطير المسافر
14-05-2006, 02:29 AM
حذفت المشاركة لعدم ذكر الدليل أو المصدر
إدارة الساحات :)
mady_egypt_1984
14-05-2006, 09:58 AM
الى الاخ الطير المسافر
اذكر دليل واحد على كلامك
vanman
14-05-2006, 10:59 AM
هذا كلام خاطىء وغير صحيح بالمرة وعندي الدليل
اخيكم صلاح
mooos_elgazar
14-05-2006, 11:28 AM
هذا كلام خاطىء وغير صحيح بالمرة وعندي الدليل
اخيكم صلاح
افحمهم بدلييلك ولا تنتظر
flash_moh
14-05-2006, 08:25 PM
يا جماعة الحكاية مش الصاق تهم على الفاضي يا ريت اللي عنده دليل بس هو اللي يتكلم . وانا مستعد ادخل في مناقشة مع اكبر واحد في الموضوع ده.
وشكرا....
amr2010
14-05-2006, 09:21 PM
يا ريت ااذا لم يوجد دليل يغلق الموضوع فورا مثله مثل اي موضوع ارجو تدخل الادارة واغلاق الموضوع لان صاحبه لم يأتي برابط المصدر واعتبار الموضوع بدون مصدر اهانه للشعب المصري وقيادته
محمدعادل
15-05-2006, 12:27 AM
اللى بيزمر مابيخبيش دقنه 000ده مثل مصرى000 اعذرونى حابقى قاسى شوية 000توجد تسهيلات تقدم للقوات الامريكية وهى كما يلى 00000قاعدة كاملة ومجهزة للامريكان فى الكيلو 62 طريق مطروح وبعمق 6.5كيلو اسمها مدينة مبارك العسكرية والجنود المصريين لايدخلوها الاللاعمال النظافة وهىمقيمين بها اقامة غير دائمة0000السماح للطيران الامريكى بالمجال الجوى المصرى 0محطة مطروح البحرية تقدم نسهيلات لوجستية الاسطول السادس 0قاعدة راس بيناس بالبحر الاحمر تدعم ومركز غير دائم للاسطول الخامس 0ياجماعة ده جزء من العلاقة الخاصة بين مصر وامريكا00ولا انتوا فاكرين المعونة ببلاش 000 انت بتتكلم على اساس اية يا طير يا مسافر على اساس انك طير وبتطير وتشوف القواعد وبعدين اذا كانت فى قاعدة زى ما انت بتقول كدة وبيدارى يبقى ازاى انت بقا واحد زيك يعرف عنها اى حاجة دة لازم يكون فى تغطية امنية مكثفة جدا على القاعدة اللى انت بتقول عليها دى وبعدين احنا مش هنتكلم ياما عندك دليل قولة ما عندكش انت طبعا عارف الكلمة الى هقولها اية هى مش شتيمة بس انا اصلى قولتها ياما واذا عاوز اقولها اوكى اذا ما عندكش دليل يبقى تنقطنا بسكاتك وبلاش تفتى ياما اوكى يا طير
mady_egypt_1984
15-05-2006, 09:31 AM
بس خلص الكلام
النجم الساطع
15-05-2006, 11:10 AM
تعالوا نتكلم بالراحه وبموضوعيه
القواعد دي فيين اماكنها
اللي عنده دليل يجيبه
مستحيل ان مصر تسمح بوجود قواعد اجنبيه عبى ارضنا
ارجوا من الساده المشرفيين منح العضو الطير المسافر فرصه يوميين لاحضار الدليل او غلق الموضوع حتى لايحدث تعصب بين الاعضا
Demon
15-05-2006, 02:56 PM
أنت حكيتها .....
مهلة يومين للطير المسافر لإيجاد دليل على كلامه ..
و إلا ستحذف المشاركة لعدم ذكر الدليل أو المصدر
flash_moh
15-05-2006, 03:38 PM
شكرا لك يا Demon على الاستجابة . وارجو منك تحذير الاخ الطير.

وشكرا.....
^BOSS^
16-05-2006, 07:29 PM
السلام عليكم.
لا توجد قواعد أمريكية في مصر طبعا ولكن مصر تقد تسهيلات بحرية في ميناء الأسكندرية لأمريكا
وهي زيارات موسمية.
وتسهيلات جوية1- بقاعدة غرب القاهرة ( لعمليات النقل الجوي وخدمة الطائرات)
2-قاعدة وادي قنا (لعمليات النقل الجوي والإنذار المبكر)

المصدر:مجلة قضايا دولية العدد 354 (14-20 أكتوبر)1996
والمصادر الي مذكورة في المجلة هي:
*محمد حسنين هيكل: حرب الخليج: أوهام القوة والنصر مركز الأهرام للترجمة والنشر القاهرة 1992 ص209-214
*ٌRebert E.Harkavy:Bases Abroad,Oxford University,New York 1989,pp.45-47..

*R,EHARKAVY,OP.CIT,PP. 73-108
zohier75
18-05-2006, 04:02 PM
ما اعرفه ان اكبر تواجد امريكي في الشرق الاوسط و الخليج هو في قطر و الكويت لكن مصر ما سمعت باستثناء مناورات مشتركة
amr2010
18-05-2006, 05:35 PM
اخي اقول لك ان القوات الامريكيه مازالت في المملكه السعوديه ولكن كل ما في الامر ان عدد الجنود خفض حتي وصل الى عشرة الاف جندي وهذا ما ذكر في كل وكالات الانباء العالميه حينها
condor_m2010
19-05-2006, 10:32 PM
يا ساده يا افاضل بدون تعصب وانفعال انا عاوز اشرح حاجه بسيطه جدا معروفه تقريبا للكل وهيا ان مصر بتوقيعها اتفاقية سلام مع اسرائيل لم تقوم بخاينه ولا حاجه كل اللى احنا كنا عاوزينه ان احنا نطلع من حالة الحرب بأقل خسائر ممكن بعد تدخل امريكا ومساعداتها المقدمه الى اسرائيل التى تفوق الوصف والخيال وساعتها كنا هانخسر رجالنا وارضنا ومش بعيد كانت اسرائيل وامريكا وصلوا للقاهره واحتلوها فعلشان كده كان لازم نوقع اتفاقية السلام مع اسرائيل وانا وفعلا الكابتن محمد عادل قال ان الرسول عليه افضل الصلاه والسلام كان بعد كل حرب مع اليهود يوقع معهم اتفاقيات سلام فده يا ساده مش عيب اما اللى الطير المسافر اللى بيقول ان فى مصر قواعد امريكيه ومفسرها اوى كده يجيبلنا الدليل القاطع اللى لا غبار عليه وانا وجميع من شكك فيه سنقدم له اعتزار فورى ده فى حالة ما اذا قدم لنا دليل وافى وقاطع ان مصر فيها قواعد امريكيه بس انا ليا شرط وهو انى فى حالة ما اذا لم يقدم لنا الدليل ارجو منه تقديم اعتذار لجكيع الأعضاء المصريين وعدم المشاركه فى أى موضوع اخر تجنبا لعدم حدوث مثل هذه البلبله واللى هدفها زعزعة صورة مصر أم الدنيا فى نظر اشقائها العرب
شكرا
السيد عمر سليم
20-05-2006, 03:10 PM
إسمحوا لى كعضو جديد كل ما أرجوه معرفة الحقيقة أن أسألكم التعليق على التقرير (باللغة العربية) والذى نشرته النيووزويك فى 21 مارس 2003 وبه خريطة للقواعد الأمريكية فى مصر والبلاد العربية. ولقد فتحت هذا الموضوع بدون علم عن منتداكم حتى اليوم على موقعى:
www.freewebs.com/alaabbara.com
وشكرا
السيد عمر سليم
20-05-2006, 03:13 PM
آسف لحدوث خطأ فى عنوان موقعى والعنوان الصحيح هو:
www.freewebs.com/alaabbara
ايهاب احمد
23-05-2006, 02:36 PM
لا اعرف من اين اتيت بتلك الصوره ولكنى بحثت فى google ومشفتش حاجه انا يممكننى ان اضع علامات على الموقع داخل الولايات المتحده الامريكيه واقول ان هناك قواعد مصريه عسكريه داخل الولايات المتحده الامريكيه